ყირგიზეთის პრეზიდენტი - გარკვეულმა ძალებმა ხელისუფლების უკანონოდ მიტაცება სცადეს, სისხლისღვრის თავიდან ასაცილებლად ძალოვნებს ვუბრძანე, ცეცხლი არ გაეხსნათ
ყირგიზეთის პრეზიდენტი სოორონბაი ჟეენბეკოვი აცხადებს, რომ ღამით გარკვეულმა პოლიტიკურმა ძალებმა ხელისუფლების უკანონოდ მიტაცება სცადეს.
„სისხლისღვრის თავიდან ასაცილებლად ძალოვნებს ვუბრძანე, ცეცხლი არ გაეხსნათ. სიტუაციის ესკალაციის ასარიდებლად ამ დრომდე ყველა ზომას ვიღებთ. ქვეყანაში მშვიდობა და საზოგადოებაში სტაბილურობა საპარლამენტო მანდატზე მაღლა დგას,“- აღნიშნა სოორონბაი ჟეენბეკოვიმ ვიდეო მიმართვაში.
მისივე თქმით, ცენტრალურ საარჩევნო კომისიას მიმართა, არჩევნების დროს გამოვლენილი დარღვევები შეისწავლონ და საჭიროების შემთხვევაში მიღებული გადაწყვეტილება გააუქმონ.
