აჭარაში გასული 24 საათის განმავლობაში კორონავირუსით ინფიცირებული 209 პაციენტი გამოჯანმრთელდა.
აჭარის ჯანდაცვის სამინისტროს ინფორმაციით, დადასტურდა კორონავირუსით ინფიცირების 348 ახალი შემთხვევა.
უწყების ცნობით აჭარაში კოვიდ კლინიკებში მკურნალობას 470 პაციენტი გადის, აქედან 19 არასრულწლოვანია და 20 ორსული.
„რეანიმაციაში მოთავსებულია - 24 პაციენტი. თავისუფალი საწოლები არის -58. Covid სასტუმროებში 943 პირია მოთავსებული, აქედან 92 არასრულწლოვანია.
აჭარაში ბინაზე 1000-ზე მეტი პირი იმყოფება, რომლებიც ექიმების მეთვალყურეობის ქვეშ არიან. აჭარაში კორონავირუსით ინფიცირებული პაციენტების მართვაში ჩართულია 9 სამედიცინო დაწესებულება (კოვიდ კლინიკა, ცხელების ცენტრი)“, - აცხადებენ უწყებაში.
იხილეთ ვიდეო: აჭარის ჯანდაცვის სამინისტროს ინფორმაციით, თავისუფალი საწოლების რაოდენობა 58-ს შეადგენს