ბოლო 24 საათში, გორში, კლინიკა „იავნანას“ ინტოქსიკაციის სიმპტომებით 53-მა პაციენტმა მიმართა

ბოლო 24 საათში, გორში, კლინიკა „იავნანას“ ინტოქსიკაციის სიმპტომებით 53-მა პაციენტმა მიმართა. ამის შესახებ კლინიკის კრიტიკული მედიცინის დეპარტამენტის ხელმძღვანელმა, ლია ლაზარაძემ განაცხადა.

მისივე თქმით, მოზარდები არიან როგორც კომბინატის დასახლებიდან, ასევე, ქალაქის სხვა უბნებიდან და სოფლებიდანაც.

ლაზარაძის ინფორმაციით, პაციენტების ჯანმრთელობის მდგომარეობა სტაბილურია და არცერთ მათგანთან არ დაფიქსირებულა დამატებითი გართულებები.

„ბოლო 24 საათის განმავლობაში, გუშინ დილის 10 საათიდან ამ დრომდე, ინტოქსიკაციის სიმპტომებით, გორის დედათა და ბავშვთა სამედიცინო ცენტრ „იავნანა“-ს 53-მა პაციენტმა მომართა, მათგან ნაწილს გადაუდებელი დახმარების განყოფილებაში გაეწია შესაბამისი სამედიცინო დახმარება და გაეწერა ბინაზე, ნაწილი კი, „იავნანა“-ს პედიატრიულ განყოფილებაში გადის მკურნალობას. ყველა მათგანის ჯანმრთელობის მდგომარეობა სტაბილურია.

პაციენტები დიდი ნაწილი შემოსულია კომბინატის დასახლებიდან, ასევე, არიან მოზარდები ქალაქის სხვა უბნებიდან და მუნიციპალიტეტის სოფლებიდანაც.

ამ დროისთვის, კლინიკის სტაციონარში ბაქტერიული გასტროენტერიტის დიაგნოზით, 26 პაციენტი რჩება. არცერთ მათგანთან არ დაფიქსირებულა დამატებითი გართულებები. ყველა პაციენტის შემთხვევაში მდგომარეობა მსუბუქი ან საშუალო სიმძმისაა“, - განაცხადა ლია ლაზარაძემ.

შეგახსნებთ, რომ გასული სამი დღის განმავლობაში, ,,გორმედის" ქსელის დედათა და ბავშვთა სამედიცინო ცენტრ „იავნანა“-ში ინტოქსიკაციის სიმპტომებით მოზარდები შეიყვანეს. არაოფიციალური ვერსიით, ამის მიზეზად წყლის დაბინძურება სახელდებოდა, თუმცა, გაერთიანებული წყალმომარაგების კომპანიამ ლაბორატორიული კვლევის პირველადი მონაცემები გამოაქვეყნა. კვლევის თანახმად, სასმელი წყალი სრულად აკმაყოფილებს წყლის ტექნიკური რეგლამენტით დადგენილ ნორმებს.

იხილეთ ვიდეო: გორში ინტოქსიკაციის ნიშნებით, კლინიკას კიდევ 53 არასრულწლოვანმა პაციენტმა მიმართა

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 12.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!