ტარიელ ნაკაიძე - საქართველოში უნდა დამთავრდეს ე.წ. ბელადომანია, გადაწყვეტილებები უნდა მიიღებოდეს გუნდურად და არა ერთი პიროვნების მიერ

„ევროპული საქართველოს“ მაჟორიტარობის კანდიდატი ხელვაჩაურის, ქედის, შუახევისა და ხულოს ოლქში, ტარიელ ნაკაიძე, ქედის მუნიციპალიტეტში, ცხრომორისა და კოკოტაურის მოსახლეობას შეხვდა. ინფორმაციას „ევროპული საქართველო“ ავრცელებს.

ნაკაიძის თქმით, უნდა დასრულდეს ერთპიროვნული და ერთპარტიული მმართველობა და ის გუნდურმა, კოალიციურმა მთავრობამ უნდა შეცვალოს, რომელიც აუცილებლად მოუტანს ქვეყანას გარდამტეხ ცვლილებებს.

„საქართველოში უნდა დამთავრდეს ე.წ. ბელადომანია, გადაწყვეტილებები უნდა მიიღებოდეს გუნდურად და არა ერთი პიროვნების მიერ. სამწუხაროდ, დღესდღეობით დამკვიდრებულია ძალიან ცუდი ტენდენცია ერთპიროვნული მმართველობისა.

„ევროპული საქართველოს“ მიზანია დამთავრდეს ერთპარტიულობა და სათავეში მოვიდეს კოალიციური მმართველობა.

ასევე, აუცილებელია მოსახლეობასთან, ამომრჩეველთან მუდმივი ურთიერთობა, როცა მაჟორიტარ დეპუტატებს მხოლოდ არჩევნების წინ ხედავენ.

მე არამარტო ახლა, არამედ არჩევნების შემდეგაც ვიქნები ხალხთან ერთად და ვიქნები თქვენი ღირსეული ხმა საქართველოს პარლამენტში“, - მიმართა ამომრჩეველს დეპუტატობის კანდიდატმა.

იოსებ ბარათაშვილი - მოვლენები მიმდინარეობს არა ხელისუფლების, არამედ მიხეილ სააკაშვილის სცენარით
ქართული პრესის მიმოხილვა 29.11.2021
მარინა კალიურანდი - დიახ, არჩევნებით საქართველომ დემოკრატიის ტესტი ჩააბარა, გადააბიჯა დემოკრატიულობის ზღურბლს, მაგრამ არის კითხვა, რამდენად გსურთ მხოლოდ ზღურბლს გადააბიჯოთ
„კარფურისა“ და „FinExCoop“ მიერ ორგანიზებული „კარტოფილის ფესტივალი“ - ადგილობრივი ფერმერების მხარდასაჭერად
განსაკუთრებული ტექ-ინვესტორი საქართველოში - GAABU-ს ახალი წევრი და ტექნოლოგია, რომელიც ცვლის ტელეკომუნიკაციის სამყაროს მომავალს