ქუთაისში, კლინიკა "ბომონდში" ოკუპირებული აფხაზეთიდან კორონავირუსით ინფიცირებული ორსული შეიყვანეს.
როგორც "ინტერპრესნიუსს" კლინიკა „ბომონდის” კლინიკურმა მენეჯერმა მამია ყიფიანმა განუცხადა, პაციენტი 30 წლამდე ასაკისაა.
მისივე თქმით, კორონავირუსით ინფიცირებული ქალი კლინიკაში შეიყვანა კატასროფის ბრიდაგადამ და შესაბამისი ამბულატორიული კვლევები უტარდება. მისი ჯანმრთელობის თაობაზე დეტალური ინფორმაცია კი მოგვიანებით გახდება ცნობილი.
ცნობისთვის, ამ დროისთვის, ქვეყანაში კორონავირუსის დადასტურებული შემთხვევების რაოდენობა 9245-ს შეადგენს, მათ შორის გამოჯანმრთელდა 4887 პაციენტი. პანდემიის დაწყებიდან დღემდე საქართველოში კორონავირუსს 58 ადამიანი ემსხვერპლა.