დიმიტრი ლორთქიფანიძე მედიას მის მიმართ პოლიტიკური ნიშნით დისკრიმინაციაში ადანაშაულებს

დიდუბე-ჩუღურეთის რაიონის მაჟორიტარი დეპუტატობის კანდიდატი დიმიტრი ლორთქიფანიძე ტელეკომპანიებს მის მიმართ პოლიტიკური ნიშნით დისკრიმინაციაში ადანაშაულებს. როგორც „ინტერპრესნიუსს" დიმიტრი ლორთქიფანიძემ განუცხადა, მას სურს, რომ სხვა კვალიფიციურ სუბიექტებთან ერთად მონაწილეობა მიიღოს პოლიტიკურ თოქშოუებში, თუმცა ამის საშუალება არ მიეცა.

ლორთქიფანიძე საზოგადოებრივ მაუწყებელთან ერთად მოუწოდებს სხვა ტელეკომპანიებსაც, რომ კანონიდან გამომდინარე თოქშოუებში მიიწვიონ იმ კვალიფიციურ სუბიექტებთან ერთად, რომლებსაც ასევე იწვევენ გადაცემებში.

„მე ვარ თბილისის დიდუბე-ჩუღურეთის რაიონის მაჟორიტარი დეპუტატობის კანდიდატი, რაც ნიშნავს იმას, რომ ორგანული კანონის თანახმად ჩემი ინიციატორი არის ამომრჩეველთა არანაკლებ ხუთკაციანი ჯგუფი. ამ შემთხვევაში კი, ჩემი ინიციატორია 1 632 ადამიანი, რომლებმაც ხელი მოაწერეს ჩემს საკანდიდატო უფლებებს. შესაბამისად, ორგანული კანონის მოთხოვნიდან გამომდინარე ის კვალიფიციური სუბიექტები, რომლებიც წარადგენენ მაჟორიტარი დეპუტატობის კანდიდატებს მათთან აბსოლუტურად გათანაბრებული ვარ უფლებებში და ვალდებულება აქვთ ტელე-მედიასაშუალებებს, რომლებიც კანდიდატებს თოქშოუებში იწვევენ, მათთან ერთად მეც მომიწვიონ. თუ ისინი ამას არ აკეთებენ, ამ ქმედებით პოლიტიკური ნიშნით ჩემს დისკრიმინაციას ახდენენ. უკლებლივ ყველა მედიასაშუალებას ვადანაშულებ, პირველ რიგში საზოგადოებრივ მაუწყებელს, რომელიც ჩემი თანხებითაც ფინანსდება. ის ვალდებულია, რომ საზოგადოების მიერ წარდგენილი კანდიდატი ფართო საზოგადოებას გააცნოს", - განაცხადა ლორთქიფანიძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს