აჭარაში, გასული 24 საათის განმავლობაში, 280 კოვიდდადებითი პაციენტი გამოჯანმრთელდა. როგორც აჭარის ჯანდაცვის სამინისტროში განაცხადეს, დადასტურდა კორონავირუსით ინფიცირების 259 ახალი შემთხვევა.
მათივე ცნობით, აჭარში, Covid კლინიკებში 472 პაციენტია მოთავსებული, აქედან 15 არასრულწლოვანი და 20 ორსულია.
„თავისუფალი საწოლებია 53. Covid სასტუმროებში 886 პაციენტია, აქედან 92 არასრულწლოვანი. აჭარაში ბინაზე 1000-ზე მეტი პირი იმყოფება, რომელიც ექიმების მეთვალყურეობის ქვეშაა“, - აცხადებენ უწყებაში.