საქართველოში კორონავირუსის 508 ახალი შემთხვევიდან 4 ფოთში გამოვლინდა. საზოგადოებრივი ჯანდაცვის ადგილობრივი ცენტრის ინფორმაციით, ინფიცირებულებიდან სამი ერთი ოჯახის წევრია და ბათუმს უკავშირდება, ხოლო ერთს „კოვიდ 19“ გეგმური კვლევის დროს დაუდგინდა.
„ქალაქში დღეს გვაქვს ოთხი ახალი შემთხვევა. მიმდინარეობს ეპიდკვლევა, კონტაქტების დადგენა და ტარდება სადეზინფექციო სამუშაოები. ამ დროისთვის ფოთში მდგომარეობა კონტროლირებადი და სტაბილურია“, - აცხადებენ ფოთის საზოგადოებრივი ჯანდაცვის ცენტრში.