თორნიკე რიჟვაძე მთავრობის შენობის წინ მიმდინარე აქციის მონაწილეებს შეხვდა

აჭარის მთავრობის თავმჯდომარე თორნიკე რიჟვაძე მთავრობის შენობის წინ მიმდინარე აქციის მონაწილეებს შეხვდა და მთავრობის ადმინისტრაციაში შეხვედრა შესთავაზა.

თორნიკე რიჟვაძის განცხადებით, ის აქციის მონაწილეთა ჯგუფებს შეხვდება, რათა სამუშაო ფორმატში მოხდეს მათი პრობლემების განხილვა.

მისი თქმით, მთავრობა მზად არის განიხილოს და არსებული რესურსის ფარგლებში შეძლებისდაგვარად დააკმაყოფილოს მათი მოთხოვნები.

„რამდენიც საჭირო იქნება, იმდენ ადამიანს შევხვდები, იქნება ეს 20 თუ 30 ადამიანისგან შემდგარი ჯგუფები. ინდივიდუალურად მოვისმენ ვის რა აწუხებს და სადაც ამის რესურსი გვაქვს, აბსოლუტურად ბოლომდე მოვახმართ“, - განაცხადა თორნიკე რიჟვაძემ აქციის მონაწილეებთან შეხვედრისას.

ცნობისთვის, მეორე დღეა აჭარის მთავრობის სახლთან სხვადასხვა სფეროში დასაქმებული პირები აქციას მართავენ. მათი მთავარი მოთხოვნაა, კორონავირუსის გამო დაწესებული შეზღუდვები მოიხსნას, სკოლებსა და ბაღებში სასწავლო პროცესი აღდგეს, ასევე მოქალაქეებს მუშაობის შესაძლებლობა მიეცეთ, რადგან საბანკო სესხებს ვერ იხდიან.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია