„ევროპული საქართველოს“ მაჟორიტარობის კანდიდატი ტყიბულის, თერჯოლის, ზესტაფონისა და ბაღდათის ოლქში, გიგი წერეთელის განცხადებით, როგორც კვალითს, ისე ზესტაფონსა და მთლიან საქართველოს სჭირდება გარდამტეხი ცვლილებები.
გიგი წერეთელი ზესტაფონში, კვალითის დასახლეობაში ადგილობრივებს შეხვდა და მათი პრობლემები მოისმინა.
„უკვე არაერთხელ აღვნიშნე კვალითის დასახლების მდგომარეობა.პრაქტიკულად ეს უბანი ნაომარსა და ცივილიზაციისგან მიტოვებულს ჰგავს. ადამიანებს ქვეყნის ზოგად პრობლემებთან ერთად გაპარტახებული ინფრასტრუქტურაც აწუხებს, გადათხრილი გზები, ბავშვებს პრაქტიკულად არანაირი გასართობი ან სათამაშო მოედანი არ გააჩნიათ. ბევრ კორპუსში სარდაფები წყლით ივსება, ანტისანიტარია ქმნის ინფექციური დაავადებების გავრცელების საშიშროებას.
თუ ზესტაფონში სადმე საჭიროა გარდამტეხი ცვლილებები , სწორედ კვალითის დასახლებას ესაჭიროება და ამას შევძლებთ კიდეც“ - აცხადებს წერეთელი.