იოსებ ხახალეიშვილი - ქუთაისს აქვს პოტენციალი, გახდეს ლიდერი სამედიცინო მომსახურების სფეროში

ქუთაისს აქვს პოტენციალი, გახდეს ლიდერი სამედიცინო მომსახურების სფეროში, - ამის შესახებ „ქართული ოცნება - დემოკრატიული საქართველოს" ქუთაისის მერობის კანდიდატმა იოსებ ხახალეიშვილმა ქუთაისის ბავშვთა მე-3 პოლიკლინიკის მედპერსონალთან შეხვედრისას განაცხადა.

ქუთაისის მერობის კანდიდატის საარჩევნო შტაბის ინფორმაციით, შეხვედრაზე საარჩევნო პროგრამის გაცნობის შემდეგ, საუბარი შეეხო არსებულ ეპიდემიოლოგიურ ვითარებას, ამბულატორიული მკურნალობისა და მომსახურების მდგომარეობას ქალაქში, პოლიკლინიკების ზოგად, ინფრასტურუქტურულ და სამედიცინო-ტექნიკურ განვითრების აუცილებლობას.

„მინდა, რომ ამ ადამიანებს ყოველთვის, ყველა პერიოდში ჰქონდეთ საკუთარი შრომის შესაბამისი დაფასება. ქუთაისს აქვს პოტენციალი, გახდეს ლიდერი სამედიცინო მომსახურების სფეროში. ქალაქის მასშტაბით პოლიკლინიკებისა და სახელმწიფო სამედიცინო დაწესებულებების პირობებისა და სამედიცინო ტექნიკის გაუმჯობესება უნდა გაგრძელდეს. ბევრი გაკეთდა, კეთდება, თუმცა არსებობს გამოწვევები რა თქმა უნდა, რასაც განსაკუთრებული ყურადღება უნდა დაეთმოს", - განაცხადა იოსებ ხახალეიშვილმა.

ცნობისთვის, საარჩევნო შეხვედრების ფარგლებში "ქართული ოცნების" ქუთაისის მერობის კანდიდატი გუშინ ქუთაისის მე-2 და მე-5 პოლიკლინიკების მედპერსონალს შეხვდა.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!