აჭარის მთავრობის სახლთან მიმდინარე აქციის მონაწილეები აჭარის მთავრობის თავმჯდომარე თორნიკე რიჟვაძეს შეხვდებიან. როგორც მათ ჟურნალისტებს განუცხადეს, შეხვედრის შემდეგ გადაწყვეტენ, გააგრძელებენ თუ არა პროტესტის უკიდურეს ფორმას - შიმშილობას.
„ჩვენ ველოდებოდით ბევრ ხალხს, ამიტომაც არ შევედით რიჟვაძესთან. გული მწყდება, რომ 100-მდე კაცი ძლივს მოვიდა აქციაზე, მე პირნათელი ვარ ყველასთან, ამიტომ მოშიმშილეები შევალთ და შემდეგ ცალკეული ჯგუფებიც", - ამბობს აქციის ერთერთი მონაწილე.
აქციის მონაწილეთა მთავარი მოთხოვნაა, კორონავირუსის გამო დაწესებული შეზღუდვები მოიხსნას, სკოლებსა და ბაღებში სასწავლო პროცესი აღდგეს, ასევე მოქალაქეებს მუშაობის შესაძლებლობა მიეცეთ, რადგან საბანკო სესხებს ვერ იხდიან.