ნინო ბურჯანაძე ზესტაფონში და თერჯოლაში  მხარდამჭერებს შეხვდა

„ერთიანი საქართველოს“ ლიდერი ნინო ბურჯანაძე ზესტაფონის და თერჯოლის მცხოვრებლებს შეხვდა, რომლებსაც საარჩევნო პროგრამის მიმართულებები გააცნო. როგორც „ინტერპრესნიუსს“ „ერთიანი საქართველოდან“ აცნობეს, ნინო ბუჯანაძე ამომრჩევლებს ესაუბრა სოციალურ-ეკონომიკური პრობლემების მოგვარებაზე, სასოფლო-სამეურნეო კოორპორაციის შესახებ პარტიის ინიციატივაზე, რომელიც ითვალისწინებს გლეხებისა და ფერმერების სასოფლო სამეურნეო ტექნიკით, ინფრასტრუქტურით, გადამამუშავებელი ქარხნებით და სამაცივრე საწყობებით უზრუნველყოფას. პარტიის ინფორმაციით, ნინო ბურჯანაძე იმერეთში პოლიტსაბჭოს წევრებთან ერთად ჩავიდა.

„აღნიშნული პროექტის ფარგლებში ჩვენ სასოფლო-სამეურნეო დარგში დავასაქმებთ და სტაბილური შემოსავლით ვუზრუნველყოფთ 640 ათას ადამიანს. ჩემთვის მოულოდნელი არ ყოფილა ის პრობლემები, რაც ზესტაფონის და თერჯოლის მოსახლეობასთან შეხვედრისას მოვისმინე. ადამიანებს სურთ, თავიანთ ქვეყანაში ღირსეულად ცხოვრობდნენ და სამუშაოს საძებნელად სხვადასხვა ქვეყანაში არ გარბოდნენ.

იმედი მაქვს, ამ შეხვედრიდან ჩემი მხარდამჭერები წავლენ დარწმუნებულები იმაში, რომ მე ვარ პოლიტიკოსი, რომელსაც აქვს ძალა და გამოცდილება, მოვაგვარო ჩვენი ქვეყნის და ჩვენი მოქალაქეების პრობლემები. მე მაქვს ბრძოლის ცოდნა და გამოცდილებაც, რომ გავაკეთო ძალიან ბევრი რამ ჩვენი ქვეყნისთვის. ამისთვის საჭიროა ამ ადამიანებმა მომცენ მანდატი. ჩვენი ხალხი დაიღალა ხელისუფლებისაგან ტყუილების მოსმენით, დღეს ეს ადამიანები, ჩემგან მოისმენენ იმას, რომ რასაც მე ვპირდები რეალისტურია. მთავარია შემოხაზონ 3 ნომერი“, - განაცხადა ,,ერთიანი საქართველოს" ლიდერმა ნინო ბურჯანაძემ.

ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
ქართული პრესის მიმოხილვა 10.05.2021
ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
"პური გულიანი" ქსელურ განვითარებას იწყებს
TKT.GE-ს ახალი სტრატეგიული მიმართულება - ავიაბილეთები დაემატა
"ვოლტი" უკვე წყნეთშია!