ოკუპირებულ ცხინვალში, ბოლო 24 საათში, კორონავირუსის 5 ახალი შემთხვევა გამოვლინდა, - ამის შესახებ ინფორმაციას ადგილობრივი მედია ე.წ. მთავარ სანიტარულ ექიმ მარინა კოჩიევაზე დაყრდნობით ავრცლებს.

მათივე ინფორმაციით, დაინფიცირების ახალი შემთხვევების გამოვლენა რეგიონში ე.წ. რუსეთთან საზღვარზე დაწესებული შეზღუდვების მოხსნის შემდეგ ფიქსირდება. კერძოდ, 15 სექტემბრიდან, საერთო ჯამში, კორონავირუსის 21 შემთხვევაა დადასტურებული.

დე-ფაქტო ხელისუფლების მონაცემებით, ოკუპირებულ ცხინვალში, პანდემიის დაწყების დროიდან, კოვიდ 19-ით სულ 111 ადამიანი დაინფიცირდა.