სამედიცინო ცენტრ „იავნანას“ ინტოქსიკაციის სიმპტომებით კიდევ შვიდმა პაციენტმა მიმართა

სამედიცინო ცენტრ „იავნანას“ ინტოქსიკაციის სიმპტომებით კიდევ შვიდმა პაციენტმა მიმართა

გორის დედათა და ბავშვთა სამედიცინო ცენტრ „იავნანას“ ინტოქსიკაციის სიმპტომებით დღეს 7-მა პაციენტმა მიმართა. კრიტიკული მედიცინის დეპარტამენტის ხელმძღვანელის, ლია ლაზარაძის ინფორმაციით, ყველა მათგანს სამედიცინო მომსახურება გაეწია გადაუდებელი დახმარების განყოფილებაში და აღნიშნულმა მოზარდებმა კლინიკა დატოვეს.

ლაზარაძის ინფორმაციითვე, გასული 3 დღის განმავლობაში, ,,იავნანას“ სტაციონარში გასტროინტესტინალური დარღვევებით მოთავსებული 25 პაციენტიდან დღეს კლინიკა დატოვა 22-მა. 18:00 საათის მონაცემებით, პედიატრიულ განყოფილებაში გასტროინტესტინალური დარღვევებით მხოლოდ 3 ბავშვი რჩება.

შეგახსენებთ, 4-7 ოქტომბერს, ინტოქსიკაციის სიმპტომებით, კლინიკა ,,იავნანას“ გორის მუნიციპალიტეტში მცხოვრებმა 128 მოზარდმა მიმართა.

ინტოქსიკაციის სიმპტომებით კლინიკაში მოხვედრილ მოზარდებს, სხვა კვლევებთან ერთად, კორონავირუსზეც ტესტირებაც ჩაუტარდათ და ყველა ტესტი უარყოფითია.