აჭარაში გარდაცვლილ სამივე პაციენტს სხვა თამხლებ დაავადებებთან ერთად, პნევმონია და სუნთქვის მწვავე უკმარისობა აღენიშნებოდა.

"62 წლის ქალს პნევმონია, სუნთქვის უკმარისობა, მწვავე რესპირაციული დისტრეს სინდრომი, თავის ტვინის ინფარქტი, კომა, თირკმლის უკმარისობა აღენიშნებოდა. პაციენტის მდგომარეობა რესპუბლიკურ საავადმყოფოში შემოყვანისთანავე შეფასდა რთულად. კლინიკაში გატარდა ყველა შესაბამისი ღონისძიება, თუმცა მისი გადარჩენა ვერ მოხერხდა და პაციენტი გარდაიცვალა.

ასევე 52 წლის მამაკაცს და 84 წლის ქალს პნევმონია და სუნთქვის მწვავე უკმარისობა აღენიშნებოდა. პაციენტების მდგომარეობა რესპუბლიკურ საავადმყოფოში შეყვანისთანავე შეფასდა რთულად და მათი გადარჩენა ვერ მოხერხდა“, - აცხადებენ კლინიკაში.

იხილეთ ვიდეო: აჭარაში გარდაცვლილ სამივე პაციენტს სხვა თანმხლებ დაავადებებთან ერთად, პნევმონია და სუნთქვის მწვავე უკმარისობა აღენიშნებოდათ