ბათუმის მერის მოვალეობის შემსრულებელი არჩილ ჩიქოვანი ე.წ.ჭაობის დასახლებაში მიმდინარე სამუშაოებს გაეცნო. ამის შესახებ „ინტერპრესნიუსს“ ბათუმის მერიიდან აცნობეს.

მათივე ცნობით, ბათუმში, ე.წ. ჭაობის დასახლებაში 19 ქუჩის კეთილმოწყობა მიმდინარეობს.

„ამ ეტაპზე ასფალტის საფარის დაგება ლადო სეიდიშვილისა და ჰაიდარ აბაშიძის ქუჩებზე ხორციელდება. უკვე დასრულდა 4 ქუჩის რეაბილიტაცია, სადაც მოეწყო სანიაღვრე ქსელი, დამონტაჟდა სანიაღვრე ჭები, დაიგო ასფალტის საფარი, მოწესრიგდა ტროტუარები და ბორდიურები.

პროექტის ღირებულება 7 მილიონ ლარს აღემატება. მიმდინარე სამუშაოები ბათუმის მერის მოვალეობის შემსრულებელმა არჩილ ჩიქოვანმა დაათვალიერა“, - ნათქვამია ინფორმაციაში.