„თავისუფალმა საქართველომ“ მცხეთა-მთიანეთის რეგიონში მაჟორიტარი დეპუტატობის კანდიდატი წარადგინა

„თავისუფალი საქართველო“ არის ერთადერთი პარტია, რომელსაც რეალურად სურს ქვეყანაში სამართლიანობის აღდგენა, - ასე მიმართა მისაქციელში შეკრებილ მხარდამჭერებს დღეს „თავისუფალი საქართველოს“ ლიდერმა კახა კუკავამ.

„თუკი ჩვენთან ერთად ვინმეს მართლაც სურს კანონის უზენაესობა, მაშინ სამართლებრივად შეაფასოს ის სისხლიანი მოვლენები, რომელსაც 90-იან წლებში ეროვნული ხელისუფლების დამხობა მოჰყვა, მაგრამ ამაზე დღემდე არავინ საუბრობს, ამიტომ გაუგებარია მათი ასეთი „დემოკრატიულობა“ და ვითომ დეკლარირებული „ლიბერალიზმი“. არ მესმის, როგორ შეიძლება იყო ჰუმანისტი და ამავე დროს თვალი დახუჭო ძალადობაზე, რომელსაც გამსახურდიას ხელისუფლების დამხობა და ასობით მშვიდობიანი მიტინგის დახვრეტა მოჰყვა მოძალადეებისგან“,- განაცხადა კუკავამ.

მისივე თქმით, ახლა, როგორც არასდროს მთელი საზოგადოების მობილიზებაა საჭირო.

„2020 წლის საპარლამენტო არჩევნები არის ერთადერთი შანსი, რომ ქვეყანა არსებული კრიზისიდან გამოვიდეს. საზოგადოებას აქვს ორი არჩევანი: გააგრძელოს იმ ვითარებაში არსებობა, რომელშიც იგი ახალა იმყოფება, ან მხარი დაუჭიროს ეროვნულ ძალას და რადიკალურად შეცვალოს მისივე მომავალი, რომელიც ხვალინდელი დღის უკეთესი გარანტი იქნება.

დღეს ყველაფერი კეთდება იმისთვის, რომ ხალხმა „ქართულ ოცნებასა“ და „ნაციონალურ მოძრაობას“ შორის გააკეთოს არჩევანი, ამიტომაც იდგმება იმიტირებული ძალადობა, რომელსაც ყოველი არჩევნების წინ ვადევნებთ თვალყურს, რეალურად კი ხდება ყურადღების გადატანა, რომ მათ გარდა თითქოს აღარავინ არ არის“,- აღნიშნა კახა კუკავამ.

მოგვიანებით, „თავისუფალი საქართველოს“ ლიდერმა მისაქციელში შეკრებილ მხარდამჭერებს მცხეთა-მთიანეთის რეგიონში მაჟორიტარი დეპუტატობის კანდიდატი წარუდგინა.

„მინდა ახლოს გაიცნოთ ის ადამიანი, რომელიც თქვენი მხარდაჭერის შემთხვევაში, პარლამენტის ტრიბუნიდან ეროვნული სულისკვეთებით იბრძოლებს. მას კარგად ესმის რას ნიშნავს საქართველოს ინტერესებისთვის ბრძოლა და რას ნიშნავს ადამიანის უფლებები. თქვენი სურვილის შემთხვევაში, გიორგი აბჟანდაძე იქნება ის მაჟორიტარი, რომელიც მცხეთა-მთიანეთის რეგიონზე, არა ფორმალურად, არამედ რეალურად იზრუნებს და ხელისუფლების რეგიონალურ დეპუტატს - ფეოდალიზმში არასოდეს დაემსგავსება“,- აღნიშნა “თავისუფალი საქართველოს” ლიდერმა.

თავის მხრივ, გიორგი აბჟანდაძემ პირობა დადო, რომ მოსახლეობის მხარდაჭერის შემთხვევაში, მისი სამუშაო გრაფიკი კონკრეტული ვადით არ განისაზღვრება.

„მზად ვარ რეგიონისა და მისი მოსახლეობისთვის მაქსიმუმი გავაკეთო, ასევე აქტიურად შევუწყო ხელი იმ სოციალურ-ეკონომიკურ პროექტებს, რომელიც „თავისუფალი საქართველოს” ხელშეწყობით დღემდე ხორციელდება“,- განაცხადა გია აბჟანდაძემ.

ინფორმაციას „თავისუფალი საქართველოს“ პრესსამსახური ავრცელებს.

ზაზა ფირალიშვილი - კრემლს ჩვენში ისეთი ძალის გამარჯვება აწყობს, ვინც კონფრონტაციული რიტორიკის ერთგული იქნება, ვერ შეძლებს ქვეყანში დიალოგისა და თანამშრომლობის ატმოსფეროს შექმნას
ქართული პრესის მიმოხილვა 29.10.2020
ვახტანგ ძაბირაძე - დღეს საზოგადოებაში არ ჭარბობს განწყობა - ოღონდ ეს ხელისუფლება წავიდეს და ვინც გინდა მოვიდეს
ექსპოჯორჯია აგრო ექსპორტის ფორუმს, ონლაინ - B2B ფორმატში გამართავს
ირმა ინაშვილი - "ქართული ოცნება" დამნაშავეა იმაში, რომ წლების მანძილზე ხელს აფარებდა დამნაშავეებს (R)
გიორგი ლომია - ციხის კადრებში ნათლად ჩანს, რომ პატიმრების წამებაში მთელი სისტემა იყო ჩართული (R)
ირმა ინაშვილი - "ნაციონალური მოძრაობა" ისტორიას და ფაქტებს ვერ წაშლის, რადგან ხალხს ყველაფერი ახსოვს (R)
ირმა ინაშვილი - ჩვენ უნდა მოვუგოთ მწამებელ "ნაციონალურ მოძრაობას" და მათ მფარველებს "ოცნებიდან" (R)
გაერთიანება „ერთად არჩევნებისათვის“ წინასაარჩევნო პერიოდს აფასებს
კოლიერსი საქართველოში სამშენებლო მიმართულებას აძლიერებს
სამსუნგის ოფიციალური ჰოლოგრამა გიცავს და გასაჩუქრებს
ჰიუნდაის დიზაინი გამარჯვებულია - DMI Design Value Awards 2020  დიზაინისთვის „Sensuous Sportiness“
„მეგატექნიკაში“ „სამსუნგის“ ფესტივალი დაიწყო