სიმონ გულედანი - გასული დღე-ღამის განმავლობაში, შიდა ქართლში კორონავირუსის 6 ახალი შემთხვევა გამოვლინდა, ყველა ინფიცირებული გორიდანაა

გასული დღე-ღამის განმავლობაში, საქართველოში კოვიდ 19-ის 472 ახალი შემთხვევიდან 6 შიდა ქართლში დადასტურდა. ინფიცირებულთაგან ყველა მათგანი გორის მუნიციპალიტეტიდანაა, - აღნიშნულის შესახებ, შიდა ქართლის გუბერნატორის მოვალეობის შემსრულებელმა სიმონ გულედანმა განაცხადა.

გულედანის ინფორმაციით, მოკვლეულია კონტაქტები და ყველა პირი გადასულია თვითიზოლაციაში.

„ბოლო 24 საათის განმავლობაში, დადასტურდა კორონავირუსის 6 დადებითი შემთხვევა. ორი შემთხვევა არის „ჯი პი სი“ აფთიაქის კლასტერი, 4 შემთხვევაში კი, ინფიცირების წყარო დაუდგენელია. მიმდინარეობს ღრმა ეპიდკვლევა. მოძიებულია კონტაქტები, რომლებიც გადაყვანილები არიან თვითიზოლაციაში.

ამ ეტაპისთვის, რეგიონში გვყავს 71 ინფიცირებული პირი. 17 გადის მკურნალობას სახლში, დანარჩენები კი - ჰოსპიტალში. თითოეულის მდგომარეობა არის სტაბილური. რაც შეეხება იმას, არიან თუ არა ინფიცირებულებს შორის არასრულწლოვნები, ამ ეტაპზე, კორონავირუსი დაუდასტურდა ერთ არასრულწლოვანს. კლასი, სადაც ეს ბავშვი სწავლობდა, გადასულია ონლაინსწავლებაზე. კიდევ ერთხელ მოვუწოდებ რეგიონის მოსახლეობას, მაქსიმალურად დაიცვას არსებული რეკომენდაციები და ქვეყანაში მოქმედი რეგულაციები“, - განაცხადა სიმონ გულედანმა.

პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
ქართული პრესის მიმოხილვა 14.05.2021
იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
სუპერმარკეტების ქსელ „მაგნიტის“ წამახალისებელ გათამაშებაში სუპერ პრიზი - ბინა გათამაშდა
კარაგანდაში შპს „ქაზ კარბონის“კუთვნილი ახალი ნახშირის გამამდიდრებელი ფაბრიკა გაიხსნა
თბილისში ქართულ-ფრანგული საკონდიტროების ქსელ Bisues-ის პირველი მაღაზია გაიხსნა