ცხინვალის ოკუპირებულ რეგიონში, ბოლო 24 საათის განმავლობაში, კორონავირუსის 12 ახალი შემთხვევა გამოვლინდა, - ამის შესახებ ინფორმაციას ადგილობრივი მედია ე.წ. მთავარ სანიტარულ ექიმ მარინა კოჩიევაზე დაყრდნობით ავრცლებს.
კოჩიევას განცხადებით, დაინფიცირებულ პირებს შორის ორი რუსი სამხედროა.
მისივე თქმით, ე.წ. რუსეთთან საზღვრის გახსნის შემდეგ მოვლენების მსგავსი განვითარება მოსალოდნელი იყო.
დე-ფაქტო ხელისუფლების ინფორმაციით, ოკუპირებულ ცხინვალში, პანდემიის დაწყების დროიდან, კოვიდ 19-ით სულ 123 ადამიანი დაინფიცირდა, აქედან 33 შემთხვევა 15 სექტემბრიდან, ანუ რუსეთთან ე.წ. საზღვრის გახსნის შემდეგ გამოვლინდა.