ქუთაისის მეცხრე საჯარო სკოლის მოსწავლეს კორონავირუსი დაუდასტურდა. როგორც სკოლის დირექტორი, სოფიო ქუთათელაძე განმარტავს, მეოთხე კლასის მოსწავლე სკოლაში ბოლოს ორშაბათს იყო. მას კორონავირუსის სიმპტომები ჰქონდა, ანალიზი აუღეს და პასუხი დადებითი აღმოჩნდა. დაინფიცირების წყარო უცნობია.

მომხდარის გამო კლასი, სადაც მოსწავლე სწავლობდა, 12 დღე დისტანციურ სწავლებაზე გადავიდა. მოსწავლის კლასელები და პედაგოგები თვითიზოლაციაში არიან.