გურჯაანის მუნიციპალიტეტის სოფელ ველისციხის სკოლაში დღეს სასწავლო პროცესი ჩაიშალა. სამ მოსწავლეს კორონავირუსი დაუდგინდა, დანარჩენი მოსწავლეების მშობლებმა კი ბავშვები სკოლაში არ გაუშვეს.

რესურს ცენტრში აცხადებენ,რომ ამ ეტაპზე ვითარებას ეპიდემიოლოგები ეცნობიან და რა ფორმით გაგრძელდება სწავლა სწორედ მათი შეფასების შემდეგ გადაწყდება. საგანმანათლებლო ცენტრის ხელმძღვანელის დალი მინდიაშვილის თქმით, მოსწავლეთა სკოლაში არგამოცხადება მშობლებმა საკუთარი ნების საფუძველზე მიიღეს და ამ ეტაპზე ეპიდსიტუაცია მართვადია.