ფოთში, მესამე საჯარო სკოლაში ამ წუთებში ეპიდემიოლოგები მუშაობენ. დღეს გამოვლენილი კორონავირუსის ხუთი ახალი შემთხვევიდან, ერთი აღნიშნული სკოლის ექიმს დაუდგინდა. ეპიდემიოლოგების ინფორმაციით, მას კონტაქტი ჰქონდა კოვიდ ინფიცირებულთან. მათივე თქმით, ექიმს კოვიდ 19 გეგმური ტესტირების დროს აღმოაჩნდა.

სკოლის დირექტორის ლელა კემულარიას თქმით, ორშაბათიდან სკოლა სწავლების დისტანციურ რეჟიმზე გადავა.

“ სამინისტროს უკვე შევუთანხმდით და ორშაბათიდან გადავალთ სწავლების დისტანციურ რეჟიმზე“, - განუცხადა ,,ინტერპრესნიუსს“ მესამე საჯარო სკოლის დირექტორმა ლელა კემულარიამ.