იოსებ ხახალეიშვილი - მოქალაქეებთან ინდივიდუალური შეხვედრები არის ქალაქის განვითარებაში მათი ჩართულობის პროცესის დასაწყისი

,,ქართული ოცნება - დემოკრატიული საქართველოს“ ქუთაისის მერობის კანდიდატი იოსებ ხახალეიშვილი ინდივიდუალური შეხვედრების პრინციპით საარჩევნო შეხვედრებს აგრძელებს. ამის შესახებ ინფორმაციას მერობის კანდიდატის საარჩევნო შტაბი ავრცელებს.

მორიგი შეხვედრა ძელქვიანის ადმინისტრაციული ერთეულის - ქანთარიას, ქუთათელის, ასათიანის მე-5 ჩიხისა და ნინოშვილის ქუჩის მოსახლეობასთან გაიმართა.

,,ეს შეხვედრები საშუალებას მაძლევს უშუალოდ ვესაუბრო მოქალაქეებს, გავაცნო ჩემი საარჩევნო პროგრამის პრიორიტეტები, ავუხსნა და განვუმარტო რა გაკეთდა, ამჟამად რა კეთდება და სამომავლოდ რა გვაქვს დაგეგმილი. ადამიანები ისედაც სხვადასხვა სატელევიზიო არხების გავლენის ქვეშ ექცევიან. ინდივიდუალური შეხვედრები კი ნიშნავს მივაწოდოთ რეალური ინფორმაცია. ეს არის შედეგზე ორიენტირებული ურთიერთობა ამომრჩეველთან. ეს არის ქალაქის განვითარებაში მათი ჩართულობის პროცესის დასაწყისი“, - განაცხადა იოსებ ხახალეიშვილმა.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა