ბორჯომის მერია - მუნიციპალიტეტის სკოლამდელი აღზრდის დაწესებულებათა გაერთიანება „ჯანმრთელი მომავალი", სასწავლო პროცესის დასაწყებად სრულ მზადყოფნაშია

ბორჯომის მუნიციპალიტეტის სკოლამდელი აღზრდის დაწესებულებათა გაერთიანება "ჯანმრთელი მომავალი", სასწავლო-აღმზრდელობითი პროცესის დასაწყებად სრულ მზადყოფნაშია.

როგორც "ინტერპრესნიუსს" ბორჯომის მუნიციპალიტეტის მერიიდან აცნობეს, 11-ივე საბავშვო ბაღი სრულად არის აღჭურვილი საჭირო ინვენტარით და ჰიგიენურ-სანიტარული საშუალებებით.

„კორონავირუსის პრევენციის მიზნით, დაწესებულებებში რეგისტრირებული 835 აღსაზრდელისთვის გაერთიანების მიერ შეძენილ იქნა ინდივიდუალური საკანცელარიო ნივთები. აღსანიშნავია, რომ ა(ა)იპ ბორჯომის საზოგადოებრივი ჯანმრთელობის დაცვის ცენტრმა საბავშვო ბაღების თანამშრომლებისთვის საინფორმაციო შეხვედრა ჩაატარა, სადაც დეტალურად იქნა განხილული ახალი კორონავირუსით გამოწვეულ ინფექციასთან დაკავშირებული რეკომენდაციები ადრეული და სკოლამდელი აღზრდისა და განათლების დაწესებულებებისთვის, ასევე სხვა საკანონმდებლო რეგულაციები, რომლებიც ეხება ადრეული და სკოლამდელი აღზრდისა და განათლების დაწესებულებებში კვების ორგანიზების სანიტარული წესებისა და ჰიგიენური ნორმების დაცვას. სურსათის ეროვნული სააგენტოს მიერ გადამოწმდა და დადებითად შეფასდა ბორჯომის მუნიციპალიტეტის მასშტაბით არსებული ყველა საბავშვო ბაღი. 12 ოქტომბრიდან, კორონავირუსის პრევენციის მიზნით საბავშვო ბაღებში, აღსაზრდელებს თერმოსკრინინგი ჩაუტარდებათ. გამოყოფილია საიზოლაციო ოთახები, სადაც რესპირატორული სიმპტომების მქონე აღსაზრდელები დროებით, კანონიერი წარმომადგენლის მოსვლამდე განთავსდებიან. ახალი სასწავლო-აღმზრდელობითი წლის დასაწყებად ბაღების მზადების პროცესს, ბორჯომის მუნიციპალიტეტის მერის მოვალეობის შემსრულებელი, დავით ზაალიშვილი ადგილზე გაეცნო. შეგახსენებთ, რომ ქვეყნის მასშტაბით საბავშვო ბაღები ფუნქციონირებას 12 ოქტომბრიდან განაახლებენ",-აღნიშნულია ბორჯომის მერიის მიერ გავრცელებულ ინფორმაციაში.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია