ქუთაისის ინტერვენციული მედიცინის ცენტრის ექიმს პაციენტის ოჯახი ადანაშაულებს. კლინიკასთან შეკრებილები ექიმის დაუდევრობაზე საუბრობენ და მის დასჯას მოითხოვენ. პაციენტის ახლობლების თქმით, 23 წლის სალომე გვასალია 4 ოქტომბერს სენაკში, ხიდან ჩამოვარდა, მას მოტეხილობა ჰქონდა და ის ქუთაისში გადაიყვანეს. ოჯახის თქმით, გოგო კონტაქტური იყო, ექიმებმა უთხრეს, რომ ოპერაცია არ იყო საჩქარო და მას ყველა სათანადო გამოკვლევას ჩაუტარებდნენ. მათივე ინფორმაციით, ხერხემლის ოპერაცია 6 ოქტომბერს ჩატარდა, რა დროსაც პაციენტის მდგომარეობა დამძიმდა, ამ დროისთვის პაციენტი კომატოზურ მდგომარეობაშია, ტვინზე შეშუპება აქვს და მეორე ოპერაცია სჭირდება.

ოჯახი შიშობს, რომ პაციენტი მეორე ოპერაციას ვერ გადაიტანს. ისინი მომხდარის დაუყოვნებლივ გამოძიებას და დამნაშავეების დასჯას ითხოვენ.

იხილეთ ვიდეო: ქუთაისის ინტერვენციული მედიცინის ცენტრის ექიმს პაციენტის ოჯახი ადანაშაულებს