ბათუმში მაღაზია "ვაიკიკის" თანამშრომელს კორონავირუსი დაუდასტურდა. როგორც ადმინისტრაციაში აცხადებენ, ინფიცირებული ბოლო პერიოდში სამსახურში არ იმყოფებოდა, თუმცა თანამშრომლებმა პრევენციის მიზნით ტესტი ჩაიტარეს.

"ჩვენი თანამშრომელი ბოლო პერიოდში სამსახურში არ დადიოდა, შესაბამისად, თანამშრომლებთან კონტაქტი არ ჰქონია. პრევენციის მიზნით, სწრაფი ტესტირება ჩატარდა, რომელიც კომპანიამ უზრუნველყო. მაღაზიაში 39 თანამშრომელია, ტესტირება ყველას ჩაუტარდა და პასუხი უარყოფითია", - აცხადებენ ადმინისტრაციაში.

მათივე ინფორმაციით, მაღაზია ჩვეულ რეჟიმში აგრძელებს მუშაობას.