ოკუპირებულ აფხაზეთში, ბოლო 24 საათის განმავლობაში, კორონავირუსის 87 ახალი შემთხვევა გამოვლინდა, - ამის შესახებ ე.წ. ოპერატიული შტაბი იუწყება. მათივე ცნობით, კოვიდინფიცირებულთა საერთო რაოდენობა 2257-მდე გაიზარდა.
ამ დროისთვის გუდაუთის საავადმყოფოში 163 კოვიდინფიცირებული მკურნალობს, მათგან 21-ის მდგომარეობა მძიმეა, საშუალო სიმძიმისაა 29 პაციენტის ჯანმრთელობის მდგომარეობა.
რაც შეეხება ფატალურ შემთხვევებს, დე ფაქტო ხელისუფლების ინფორმაციით, პანდემიის გავრცელების დროიდან დღემდე ვირუსს 21 ადამიანის სიცოცხლე ემსხვერპლა, გამოჯანმრთელებულთა რაოდენობამ კი 829-ს მიაღწია.