ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის ინფორმაციით, კორონავირუსით გარდაცვალების ორი შემთხვევა აჭარაში დაფიქსირდა, ერთი იმერეთში.

მისივე თქმით, არ უნდა იყოს განსაკუთრებული შიში, რომ თანმხლები დაავადებების ქონა აუცილებლად გარდაცვალებას იწვევს.

“ჩვენ ყველა გარდაცვალების დროს ვამბობთ, რომ ჰქონდათ თანმხლები დაავადებები, მაგრამ თანმხლები დაავადებების ქონა არ ნიშნავს, რომ აუცილებლად იქნება გარდაცვალება. გააჩნია თანმხლები დაავადების სიმძიმეს, სტაციონარში მიმართვის დროს და ა.შ”, - განაცხადა ენდელაძემ.

ამასთან, ენდელაძის განცხადებით, ქვეყანაში კრიტიკული პაციენტების რაოდენობა გაიზარდა - 8 პაციენტი აფხაზეთიდან, ხოლო 1 ცხინვალიდან იქნა გადმოყვანილი.

ცნობისთვის, ქვეყანაში დღეს კორონავირუსით კიდევ 7 პაციენტი გარდაიცვალა.