საქართველოში გამოვლენილი კორონავირუსის 523 ახალი შემთხვევებიდან ერთი ფოთში დაფიქსირდა.
საზოგადოებრივი ჯანდაცვის ადგილობრივი ცენტრის დირექტორის, ნანა მხეიძის ინფორმაციით, პაციენტი უკვე დადასტურებული შემთხვევის კონტაქტია და თვითიზოლაციაში იმყოფებოდა. მისივე თქმით, მიმდინარეობს ეპიდემიოლოგიური კვლევა.
ამ დროისთვის ფოთში კორონავირუსის 39 შემთხვევაა გამოვლენილი, გამოჯანმრთელდა 18, თვითიზოლაციაში კი 76 პირი რჩება.