„თავისუფალი საქართველოს“ ლიდერები ტაბახმელაში მხარდამჭერებს შეხვდნენ

„თავისუფალი საქართველო“ განსხვავებით სხვა პარტიებისგან, ამომრჩევლებთან, არა დაპირებებით, არამედ, უკვე განხორციელებული პროგრამებით მიდის. ჩვენს მიერ ერთი წლის წინ შექმნილი პროექტი, „იაფი მედიკამენტების პროგრამა“ იმდენად პოპულარული გახდა, რომ ის სრულიად სახალხო პროექტად გარდაიქმნა, რომლითაც ათასობით ადამიანმა ისარგებლა და დღემდე სარგებლობს ,- ამ სიტყვებით დაიწყო დღეს კახა კუკავამ ტაბახმელის ცენტრში შეკრებილ მხარდამჭერებთან გამოსვლა.

მისივე თქმით, „თავისუფალი საქართველო“ სხვა სოციალური მისიის საქმიანობასაც ეწევა, რომელიც საბანკო მევახშეობის წინააღმდეგ ბრძოლას ითვალისწინებს.

„ჩვენ ბანკების წინააღმდეგი არ ვართ, მაგრამ ყოველთვის შევეწინააღმდეგებით იმას, რომ ბანკებმა იპოთეკური სესხების გაცემით, ისედაც გაჭირვებული ადამიანები საბოლოოდ გააკოტრონ, თავად კი მილიონები იშოვონ. საქართველოში არსებული საბანკო სექტორი ხშირად ირეკლამებს თავს, რომ ევროსტანდარტებით მუშაობს. სინამდვილეში კი მათი მხრიდან ეს ყველაფერი ელემენტარული დემაგოგიაა და ციფრებით მანიპულირება. მსოფლიოს ვერცერთ ქვეყანაში ვერ ნახავთ სესხის ისეთ დიდ საპროცენტო განაკვეთს, რამდენიც საქართველოშია. ბრიტანეთში შინაურ ცხოველს ვერ გამოასახლებენ სახლიდან, თუ მასზე სხვა მზრუნველს შესაბამისი ალტერნატიული საცხოვრებელი ფართი არ ექნება. საქართველოში კი, ბანკები მრავალშვილიან ოჯახებს ღია ცის ქვეშ ტოვებენ, სამაგიეროდ, ახლა საბანკო სექტორის ბოსები კარდაკარ დადიან და ისევ ამ გაჭირვებულ ადამიანებს საარჩევნო ხმებს თხოვენ,“- განაცხადა კახა კუკავამ.

დღესვე, „თავისუფალი საქართველოს“ ლიდერმა, ქვეყანაში შექმნილ პოლიტიკურ ვითარებაზე ისაუბრა.

„არ არსებობს ძალა, რომელიც ხალხის ნებაზე უფრო აღმატებულია. ახლა მთავარია საზოგადოებამ ეს ნება თავად გამოიჩინოს და „არა“ უთხრას იმ ნეოლიბერალურ კლანებს, რომლებიც „ნაციონალური მოძრაობისა“ და „ქართული ოცნების“ სახით, სახელმწიფოსა და ხალხზე თანაბრად ძალადობენ.

„ნაცმოძრაობა“ და „ოცნება“ რომ ერთი ძალაა, ეს ამ დღეებში კიდევ ერთხელ დადასტურდა. სააკაშვილსა და ივანიშვილს შორის არსებული ტოლობის ნიშანი ისევ და ისევ ძალადობრივი რეჟიმის მთავარმა არქიტექტორებმა დასვეს, რომლებმაც ახლა „ევროპული“ მანტია მოირგეს და ადამიანების უფლებებზე ალაპარაკდნენ.

დროა, ამ და ყველა იმ დამნაშავე რეჟიმს ხალხის მხრიდან საკადრისი პასუხი გაეცეს, ოღონდ არა ქვების სროლით, როგორც ამას „ნაცები“ და „ქოცები“ ერთმანეთის ჩაქოლვით აკეთებენ, არამედ მათთვის უარის თქმა კლასიკური, კონსტიტუციური გზით უნდა მოხდეს.

2020 წლის 31 ოქტომბერი, ქვეყნის სათავეში ეროვნული ძალების მოსვლის დროა!“- განაცხადა კახა კუკავამ.

კუკავას აღნიშნულ განცხადებას პარტიის პრესსამსახური ავრცელებს.

ნანა ჩაჩუა - არჩევნების წინ არსებულ ვითარებას შევაფასებდი როგორც სიურრეალიზმს, თანაც ისეთს, როგორსაც სალვადორ დალიც კი ვერ წარმოიდგენდა
ქართული პრესის მიმოხილვა 22.10.2020
ილჰამ ალიევი იაპონურ გაზეთ Nikkei-სთან ინტერვიუში - ომის შემდეგ სომხეთს შეუძლია, აზერბაიჯანისა და თურქეთის პარტნიორი გახდეს
პარტია “ალეკო ელისაშვილი - მოქალაქეების” ერთ-ერთი ლიდერი ქეთი თურაზაშვილი - აუცილებელია განათლების სისტემის რეფორმა და “კომაროვის” მოდელი
დავით თარხან-მოურავი - ვინც კოდორი და ახალგორი ჩააბარა, ის გვაცხადებს რუსეთის აგენტად - ამაზე დაფიქრდით (R)
დავით თარხან-მოურავი - მოსახლეობის უმეტესობა ირჩევს "საქართველოს პატრიოტთა ალიანსს (R)
„ბადაგონმა“ თანამშრომლების უსაფრთხოებისთვის PCR ტესტირება დაიწყო
გიორგი ლომია - "ოცნება" და "ნაცმოძრაობა" იმდენად შეერწყნენ ერთმანეთს, რომ დღეს უკვე ერთნი არიან" (R)
პაატა ჯიბლაძე - "პატრიოტთა ალიანსი" ერთადერთი ძალაა, რომელიც ყოველთვის ქვეყნის ინტერესებიდან გამომდინარე მოქმედებს (R)
ნანა დევდარიანი - "პატრიოტთა ალიანსი" უსწრებს "ქართულ ოცნებას" (R)