გოჩა ენუქიძე მესტიის მუნიციპალიტეტში, კალის თემის მოსახლეობას შეხვდა

,,ქართული ოცნება - დემოკრატიული საქართველოს" მაჟორიტარი დეპუტატობის კანდიდატი, გოჩა ენუქიძე, ამჯერად მესტიის მუნიციპალიტეტში, კალის თემის მოსახლეობას შეხვდა. ამის შესახებ ინფორმაციას პრესსამსახური ავრცელებს.

გოჩა ენუქიძე ადგილობრივებს დაგეგმილი და შესრულებული პროექტების შესახებ ესაუბრა. მისი განცხადებით, კალის ტერიტორიული ერთეულის სოფლებში ჯამში 14 პროექტი განხორციელდა.

,,მესტიელები ყველაზე კარგად იცნობენ იმ საშეღავათო პირობებს, რომელსაც ჩვენი გუნდი მთიანი რეგიონების ხელშეწყობისთვის ახორციელებს", - განაცხადა გოჩა ენუქიძემ.

მისივე ინფორმაციით, კალის თემში: რეაბილიტირდა კალის საჯარო სკოლა; კალის ადმინისტრაციული შენობა; რეაბილიტირდა ხიდები, მოეწყო გზის დამცავი და ნაპირსამაგრი გაბიონები სოფლებში, ვიჩნაშსა და დაუბერში რეაბილიტირდა სოფელ ხალდესთან დამაკავშირებელი საავტომობილო გზა. ამასთან, დაგეგმილია კალის სპორტული დარბაზის მშენებლობა.

სოფლის მხარდამჭერი პროგრამის ფარგლებში მოქმედებს სოციალური პროგრამები და საგადასახადო შეღავათები მაღალმთიანი სტატუსის მქონე დასახლებებში, სადაც ყოველ დაბადებულ ბავშვზე ფულადი დახმარება გაიცემა და პირველკურსელი სტუდენტები სოციალური პროგრამის ფარგლებში ფინანსდებიან.

ასევე ,,ქართული ოცნება - დემოკრატიული საქართველოს" მაჟორიტარი დეპუტატობის კანდიდატი, გოჩა ენუქიძე იფარის თემის სოფლების: ადიშის, ბოგრეშის, ზეგანისა და ნაკიფარის მოსახლეობას შეხვდა.

როგორც „ინტერპრესნიუსს“ პარტიის პრესსამსახურიდან აცნობეს, აღნიშნულ სოფლებში სოფლის მხარდაჭერის პროგრამის ფარგლებში 6 პროექტი განხორციელდა, მოეწყო გზის საყრდენი და ნაპირდამცავი გაბიონები სოფლებში, ზეგანსა და ბოგრეშში, რეაბილიტირდა სოფელ ადიშისა და ბოგრეშის ხიდები, მოეწყო ნაპირდამცავი გაბიონები მდინარე ადიშურაზე.

მათივე ცნობით, დაგეგმილია იფარის საჯარო სკოლისა და საბავშვო ბაღის მშენებლობა.

"განსაკუთრებით მიხარია იფარის საჯარო სკოლის მშენებლობის პროცესი, რომელიც იფარის თემის მოსწავლეებს შესაძლებლობა მისცემს სასკოლო განათლება უსაფრთხო და ჯანსაღ გარემოში მიიღონ. განათლებული თაობა უკეთესი მომავლის გარანტია, ამიტომ საგანმანათლებლო დაწესებულებების კეთილმოწყობა შეუქცევად პროცესად უნდა იქცეს", - განაცხადა გოჩა ენუქიძემ.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს