ნინო ბურჯანაძე ბაღდათსა და წყალტუბოში ამომრჩეველს შეხვდა

წყალტუბო ყველამ იცის. როგორ შეიძლება ქვეყანას გქონდეს წყალტუბო, ამხელა რესურსი, ასეთი დონის საკურორტოქალაქი და ის იყოს მკვდარი. ძალიან გულდასაწყვეტია ასეთი წყალტუბოს ნახვა, ულამაზესი ბაღდათის ასეთი დაჩაჩანაკებულის ყურება. სადაც გაიხედავ ქალაქები ნაომარი გვხვდება. ეს ხელისუფლება უნდა შეიცვალოს და ეს უნდა გააკეთოთ თქვენ, ხალხმა , - ასე მიმართა ,,ერთიანი საქართველოს" ლიდერმა ნინო ბურჯანაძემ ბაღდათსა და წყალტუბოში მხარდამჭერებს.

ამასთან, ბურჯანაძემ, პოლიტსაბჭოს წევრებთან ერთად მხარდამჭერებთან შეხვედრისას საარჩევნო პროგრამაზე - სოციალური დახმარებაზე, დაბალ პენსიაზე, ახალგაზრდებისაგან დაცარიელებულ ქალაქებზე და უმუშევრობაზე ისაუბრა.

ნინო ბურჯანაძემ მათ საარჩევნო პროგრამის ძირითადი მიმართულებები და პრობლემების მოგვარების ხედვა გააცნო.

შეხვედრას ესწრებოდნენ აფხაზეთიდან წყალტუბოში ჩასახლებული დევნილები, რომლებმაც ტერიტორიული მთლიანობის აღდგენის შესახებ იმსჯელეს.

„შეხვედრაზე ბაღდათისა და წყალტუბოს მოსახლეობამ მწვავე პრობლემად გამოჰყო ახალგაზრდებისათვის სამუშაო ადგილი, რომლის არქონის გამო ქალაქი დაცარიელდა. მძიმე ეკონომიკური მდგომარეობა და წყალტუბოს რესურსის უფუნქციოდ დატოვება იყო ის საკითხი, რაზეც ნინო ბურჯანაძისგან სამოქმედო გეგმა მოისმინეს. გარდა ამისა, ნინო ბურჯანაძემ ისაუბრა წყალტუბოს სტრატეგიულ მნიშვნელობაზე, როგორც ბალნეოლოგიური საკურორტო ქალაქის ფუნქციაზე და მის ამუშავებაზე“, - ნათქვამია ინფორმაციაში.

ინფორმაციას “ერთიანი საქართველოს” პრესსამსახური ავრცელებს.

ხათუნა ბურკაძე - კრემლის აგრესიული პოლიტიკის ფონზე აუცილებელია აშშ-საქართველოს სტრატეგიული პარტნიორობის ქარტიის განახლება
ქართული პრესის მიმოხილვა 03.12.2021
ირაკლი მელაშვილი - დროა, პოლიტიკოსებმა გააცნობიერონ, რომ მართვის ცენტრალიზებული სისტემა დამაზიანებელია როგორც ქვეყნისთვის, ისე თავად მმართველი პარტიისთვის
შეიძინე სახლი და მიიღე რემონტი საჩუქრად - "იდეა დეველოპმენტში" საჩუქრების ცვენა დაიწყო
კარფური უკვე რუსთავშია - ფრანგული ბრენდის 57 ფილიალი და პირველი ჰიპერმარკეტი ქვემო ქართლში
ბინები ბაკურიანში წინასწარი შენატანის გარეშე და საუკეთესო საახალწლო შეთავაზებით
ლიბერთის პარტნიორობით Future Agro Challenge გაიმართება
ელიტ ელექტრონიქსში წინასაახალწლო კამპანია დაიწყო
სილქნეტის სატელევიზიო აპლიკაციის Silk Go შეთავაზება ახალ მომხმარებლებს - დარეგისტრირდი მობილური ნომრით, უყურე სატელევიზიო ეთერს და მიიღე საჩუქრები