ქუთაისში ფესტივალი "თეატრალური იმერეთი 2020“ გაიხსნა

ქუთაისში იმერეთის თეატრალური ფესტივალი გაიხსნა. იმერეთში სახელმწიფო რწმუნებულის ადმინისტრაციის ინფორმაციით, ქვეყანაში შექმნილი ეპიდსიტუაციის გამო საზეიმო გახსნა ღია სივრცეში, ლადო მესხიშვილის სახელობის სახელმწიფო დრამატული თეატრის „მწვანე სცენაზე“ გაიმართა.

შეკრებილ საზოგადოებას სახელმწიფო რწმუნებულმა იმერეთის მხარეში ზვიად შალამბერიძემ და ქუთაისის მერის მოვალეობის შემსრულებელმა დავით ერემეიშვილმა მიმართეს.

"თეატრალური იმერეთი 2020“ თავისი მასშტაბით მნიშვნელოვანი კულტურული მოვლენაა არა მხოლოდ იმერეთის რეგიონისთვის, არამედ ზოგადად, ქართული თეატრისთვის. ის ემსახურება ახალი სახეების გამოვლენას, თეატრის პოპულარიზაციას, თეატრალური დასებისთვის დამატებითი მოტივაციის შექმნას და პროფესიული ხარისხის გაზრდას. ეს ფესტივალი კარგად წარმოაჩენს, რომ საქართველოში ერთ-ერთი ყველაზე გამორჩეული და მდიდარი თეატრალური მხარე იმერეთია. ქართული თეატრის მნიშვნელოვანი და უდიდესი არტისტული ნაკადი სწორედ ჩვენი მხარიდან არის.

იმერეთი გამოირჩევა იმითაც, რომ ამ რეგიონში ყველაზე მეტი პროფესიული და მოყვარული თეატრალური დასი ფუნქციონირებს და ეს ფესტივალი მათთვის კიდევ ერთი დამატებითი შესაძლებლობაა მრავალრიცხოვანი აუდიტორიის წინაშე წარმოაჩინონ საკუთარი შემოქმედება.

უკვე არაერთი წელია ტარდება ეს ფესტივალი და მან უკვე მიიღო ერთაშორისო სტატუსი, მადლობა მინდა გადავუხადო ფესტივალის სამხატვრო ხელმძღვანელს ლევან როხვაძე, რომლის დამსახურებითაც ფესტივალი 2000 წელს დაარსდა და 11 წლის შემდეგ აღდგა, მადლობა მას იმ ღვაწლისთვის, რაც მან გასწია მთელი ამ წლების განმავლობაში თეატრალური კულტურის პოპულარიზაციისათვის", - განაცხადა ზვიად შალამბერიძემ.

მათივე ცნობით, ფესტივალი 21 ოქტომბრის ჩათვლით გაგრძელდება. სპექტაკლები დაიწყება 18:30 საათზე. დასწრება თავისუფალია.

იაგო კაჭკაჭიშვილი - პოლიტიკური პროექტი, რომლის მიზანია „ქართულმა ოცნებამ“ ადგილობრივ არჩევნებში ამომრჩეველთა ხმების 43% არ აიღოს, რეალისტურია
ქართული პრესის მიმოხილვა 13.05.2021
ალექსეი გარანი - უკრაინის ნატო-ში გაწევრიანებას რუსეთის პრეზიდენტი პუტინი აჩქარებს
გოგა მელიქიძე - საპენსიო სააგენტო კაპიტალის ბაზარზე საგრძნობლად გააქტიურდება
როგორ გავხადოთ თქვენი ქალაქი ჭკვიანი და უსაფრთხო: გადაწყვეტილება Ekin-ისგან ხელოვნური ინტელექტის საფუძველზე
ალექსანდრე ჭავჭავაძის წინანდლის სახლ-მუზეუმში საგამოფენო სეზონი გაიხსნა
"ბარაქამ" აგრომაღაზია და ფერმერთა მომსახურების ცენტრები გახსნა - რას სთავაზობს კომპანია ფერმერებს
"ვოლტი საქართველო" 3 წლის გახდა