გურჯაანის მუნიციპალიტეტის სოფელ ველისციხეში 540 მოსწავლე სწავლას დისტანციურ რეჟიმში გააგრძელებს. მიზეზი 5 მოსწავლის კორონავირუსით დაინფიცირება.

როგორც კახეთის გუბერნატორის მოვალეობის შემსრულებელმა განაცხადა, საკოორდინაციო საბჭომ პრევენციული ღონისძიებებიდან გამომდინარე მიიღო ეს გადაწყვეტილება.

ირაკლი შიოშვილის განმარტებით, ვირუსის გავრცელების თავიდან აცილების მიზნით, მკაცრად გაკონტროლდებიან თვითიზოლაციაში მყოფი პირები.

მისივე თქმით, კორონავირუსით ინფიცირებულთა ზრდის მიუხედავად, რეგიონში ეპიდსიტუაცია სტაბილურია.

ბოლო მონაცემებით, კახეთში კორონავირუსით ინფიცირებულთა რიცხვმა 90 -ს გადააჭარბა.