ტყიბულის მეორე საჯარო სკოლაში კორონავირუსის გავრცელების გამო სასწავლო პროცესი შეწყდა და სკოლაში სწავლა დისტანციურად გაგრძელდა.

ტყიბულის საგანმანათლებლო რესურსცენტრის ხელმძღვანელმა ირინა კორძაიამ „ინტერპრესნიუსს“ განუცხდა, რომ სკოლის 17 მოსწავლეს და 5 მასწავლებელს კორონავირუსი დაუდასტურდა.

„აღნიშული ფაქტიდან გამომდინარე მივიღეთ გადაწყვეტილება საქართველოს განათლების, მეცნიერების, კულტურის და სპორტის სამინისტროსთან შეთანხმებით სკოლაში სასწავლო პროცესის შეწყვეტის შესახებ. სკოლა დღეიდან სწავლის დისტანციურ რეჯიმში გადავიდა.

ტყიბულის მუნიციპალიტეტის სკოლებში სასწავლო პროცესი ჯანდაცვის სამინისტროს რეკომენდაციების სრული დაცვით მიმდინარეობს“, - აცხადებს საგანმანათლებლო რესურსცენტრის ხელმძღვანელი.