„ლელო“ - „ქართული ოცნების“ წარმომადგენლებმა ქობულეთში, ჩვენი პარტიის წევრებზე ფიზიკური ანგარიშსწორება სცადეს

მმართველი გუნდის წევრებმა, „ლელოს“ მოსახლეობასთან შეხვედრის უფლება არ მისცეს. ამის შესახებ „ინტერპრესნიუსს“ „ლელოს“ პრესსამსახურიდან აცნობეს.

მათივე ცნობით, დაპირისპირება ქობულეთის ბაზრის შესასვლელთან მოხდა, სადაც ბაზრის მფლობელი რამდენიმე დღეა, „ლელოს“ აქტივისტებს, იმისთვის რომ მათ სააგიტაციო მასალა დაარიგონ, ადგილზე არ უშვებს. ამასთან, „ლელოს“ ინფორმაციით ოპოზიციური პარტიის წევრები ნაცემები არიან.

„ლელოს“ ბათუმის მაჟორიტარი დეპუტატობის კანდიდატის, ირაკლი კუპრაძის თქმით, „ქართული ოცნება“ წინასაარჩევნოდ ძალადობრივ მეთოდებს იყენებს, რაც მათი მხრიდან „ლელოს“ წევრებზე თავდასხმაში გამოიხატა.

„ფიზიკური ანგარიშსწორება სცადეს ,,ლელოს" აქტივისტებზე და არ მისცეს მათ უფლება საზოგადოებრივ სივრცეში - ქობულეთის საკოლმეურნეო ბაზარში ბუკლეტების დარიგების. 1- საათიანი ხმაურიანი დაპირისპირების განმავლობაში საპატრულო პოლიცია არც კი გამოჩენილა. ივანიშვილი ცდილობს, დაიმონოს ყველა ინსტიტუტი და სრულიად კერძო სექტორი, რომელსაც ართმევს განვითარების და თავისუფალი არსებობის საშუალებას. სამწუხაროა ზრდასრული ადამიანების ხილვა, რომლებიც არიან ივანიშვილის მსხვერპლი და ხმამაღლა აიძულებენ, გაიძახონ - „მე ბიძინას კაცი ვარ"! საქართველო იმსახურებს სამართლიან და თავისუფალ განვითარებას, რის პოლიტიკურ მუხრუჭადაც ბიძინა ივანიშვილი იქცა. „ლელო“ დაასრულებს ივანიშვილის ძალადობრივ პოლიტიკას 31 ოქტომბერს“, - აცხადებს კუპრაძე.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
“მეამა ქოლექთის” ყავის უნიკალური კოქტეილები ბათუმშია