,,ქართული ოცნება - დემოკრატიული საქართველოს" ონის, ამბროლაურის, ცაგერის, ლენტეხისა და მესტიის მაჟორიტარი დეპუტატობის კანდიდატი, გოჩა ენუქიძე, წინასაარჩევნო კამპანიის ფარგლებში, ლატალის თემში შემავალი ათი სოფლის - იენაშის, იფხის, კვანჭიანარის, ლახუშდის, ლაჰილის, ლელბაგის, ლეშუკვის, მაცხვარიშის, ნანყვამ-ზაგრალის, სიდიანარისა და შყალერის მოსახლეობას შეხვდა. ამის შესახებ „ინტერპრესნიუსს“ კანდიდატის პრესსამსახურიდან აცნობეს.
მათივე ცნობთ, შეხვედრაზე გოჩა ენუქიძემ განაცხადა, რომ რეგიონის სოფლების შენარჩუნებისთვის სხვადასხვა პროექტი მიმდინარეობს.
"აქ ეტაპობრივად ხორციელდება ის მნიშვნელივანი ინფრასტრუქტურული პროექტები და სოციალური პროგრამები, რომელიც მოსახლეობას მთიანი რეგიონის სოფლების შენარჩუნებაში დაეხმარება", - აცხადებს გოჩა ენუქიძე.
ამასთან, ინფორმაციაში აღნიშნულია, რომ ლატარის თემში რეაბილიტირდა სამედიცინო ცენტრი.
„ლატალის თემში, აშენდა 50 ბავშვზე გათვლილი საბავშვო ბაღი, რეაბილიტირდა ლატალის საჯარო სკოლა, რეაბილიტირდა ლატალის სპორტული სკოლა, რეაბილიტირდა ლატალის სამედიცინო ამბულატორია, მოეწყო სანიაღვრე არხები და წყალგაყვანილობის სისტემები, მიმდინარეობს სოფელ ლახუშდის საავტომობილო გზის რეაბილიტაციაც“, - აღნიშნულია ინფორმაციაში.