ბათუმში, სხვადასხვა სფეროში დასაქმებულები შეზღუდვების მოხსნის მოთხოვნით, აქციას მართავენ

აჭარის მთავრობის სახლთან სხვადასხვა სფეროში დასაქმებული მოქალაქეები საპროტესტო აქციას მართავენ.

მათი მთავარი მოთხოვნაა, პანდემიის დროს დაწესებული შეზღუდვების მოხსნა და სამუშაო ადგილებზე დაბრუნება.

აქციის მონაწილეებს ქობულეთში საოჯახო სასტუმროების მეპატრონეებიც შეუერთდნენ. როგორც ისინი აცხადებენ, ტურისტულ სეზონზე დაზარალდნენ და საბანკო დავალიანებებს ვერ იხდიან.

საოჯახო სასტუმროების მეპატრონეები მოითხოვენ, რომ სახელმწიფო სესხის გადავადება და პროცენტის სრული სუბსიდირება მოხდეს.

აქციის მონაწილეები პარალელურად სკოლებში სასწავლო პროცესის აღდგენას, სატრანსპორტო შეზღუდვის მოხსნასა და დაუყოვნებლივ, საზღვრების გახსნას, ასევე საჰაერო მიმოსვლის აღდგენას მოითხოვენ.

„გამოდით და აუხსენით ხალხს, რატომ არის ეს რეგულაციები დაწესებული. თქვენ ადამიანებს წინასაარჩევნოდ კეტავთ სახლებში. გამოდით გარეთ და გაგვიკეთეთ განმარტება. მოსახლეობას გვაინტერესებს, რატომ არის გაჭირვება და გაუსაძლისი მძიმე სოციალური ფონი. თქვენ „ჯიპებით“ გულაობთ, ხალხი მშიერია", - აცხადებენ აქციის მონაწილეები.

ტერიტორიაზე სამართალდამცავები არიან მობილიზებული.

კორნელი კაკაჩია - თუ ადგილობრივ არჩევნებში გახარიასა და ვასაძის პარტიები მიიღებენ მონაწილეობას, „ქართულ ოცნებას“ პროპორციული სისტემით  ხმების 43%-ის აღება გაუჭირდება
ქართული პრესის მიმოხილვა 17.05.2021
პაველ ფელგენგაუერი - ისრაელ-პალესტინის ზავის პირობები დამოკიდებული იქნება იმაზე, ისრაელი ღაზის სექტორს „ჰამასისაგან“ სრულად გაწმენდს და მოისურვებს თუ არა ამჯერად მასზე კონტროლის აბასის ადმინისტრაციისთვის გადაცემას
დმანისში განვითარებულ მოვლენებთან დაკავშირებით კახა ოქრიაშვილი განცხადებას ავრცელებს
USAID და Gazelle Finance მცირე და საშუალო მეწარმეების და საქართველოში ეკონომიკის აღდგენის მიზნით ახალ პროგრამას იწყებენ
"კრედო ბანკმა" European Fund for Southeast Europe (EFSE) და Green for Growth Fund (GGF)-ისგან საქართველოს რეგიონებში მცხოვრები მიკრო და მცირე მეწარმეების მხარდასაჭერად 51 მილიონი ლარი მოიზიდა
“მეამა ქოლექთის” ყავის უნიკალური კოქტეილები ბათუმშია