ბათუმში, ოძელაშვილის ქუჩაზე და გიორგი ბრწყინვალეს ჩიხში წყალარინების ქსელზე მოსახლეობის ინდივიდუალური გადართვა მიმდინარეობს. ამის შესახებ, "ინტერპრესნიუსს“ ,,ბათუმის წყლის“ პრესსამსახურიდან აცნობეს.
სამუშაოების ფარგლებში ახალ წყალარინების ქსელზე 35-მდე აბონენტი დაერთდება.
მიმდინარე სამუშაოებს, „ბათუმის წყალის“ გენერალური დირექტორი, მარიკა გვიანიძე გაეცნო.
„სამუშაოები დავასრულეთ სარაჯიშვილისა და ჯავახიშვილის ქუჩის პირველ და მეორე შესახვევში. ამჟამად, ვმუშაობთ, გიორგი ბრწყინვალეს ჩიხში და ოძელაშვილის ქუჩაზე. სამუშაოების ფარგლებში ახალ წყალარინების სისტემაზე 35 აბონენტი გადაერთვება. ეს არის ძალიან მნიშვნელოვანი პროექტი, რადგან ადგილობრივი მოსახლეობისათვის ახალი წყალარინების სისტემის მოწყობა დიდი კომფორტია“, - განაცხადა გვიანიძემ.