ოკუპირებულ აფხაზეთში კორონავირუსის 86 ახალი შემთხვევა დადასტურდა. ამის შესახებ მედია ე.წ. ოპერატიულ შტაბზე დაყრდნობით წერს. გარდაიცვალა კიდევ ორი პაციენტი.
ამავე ინფორმაციით, ოკუპირებულ რეგიონში კორონავირუსზე ტესტირება გასულ დღე-ღამეში 285 ადამიანს ჩაუტარდა.
საერთო ჯამში, ოკუპირებულ აფხაზეთში გამოვლენილი შემთხვევების საერთო რაოდენობა 2343-ს შეადგენს. 854 ადამიანი გამოჯანმრთელდა, 23 კი გარდაიცვალა.