ბათუმში დღეს გამოცემა "ბათუმელების" მხარდამჭერი აქცია გაიმართება

ბათუმში, ევროპის მოედანზე, დღეს, გამოცემა "ბათუმელების" მხარდამჭერი აქცია გაიმართება. როგორც ჟურნალისტები აცხადებენ, აქციაზე შეკრებილები ხელვაჩაურის მერის ჯუმბერ ვარდმანიძის მიერ ჟურნალისტის შეურაცხყოფის ფაქტს გააპროტესტებენ. ჟურნალისტების ინფორმაციით, გუშინ ხელვაჩაურის მერმა ჯუმბერ ვარდმანიძემ გამოცემა "ბათუმელების" ჟურნალისტს კრიტიკული შეკითხვის გამო სიტყვიერი შეურაცხყოფა მიაყენა და დაემუქრა.

ხელვაჩაურის მერის ჟურნალისტთან სატელეფონო საუბარი თავად გამოცემამ სოციალურ ქსელში გაავრცელა.

„ხელვაჩაურის მერის გაღიზიანება მოჰყვა ჟურნალისტის შეკითხვას, რატომ გადაადგილდება მერი „ქართული ოცნების“ მაჟორიტარი კანდიდატის საარჩევნო კამპანიის დროს მერიის კუთვნილი ავტომანქანით, რასაც კანონი კრძალავს. მერმა ჯერ სიტყვიერი შეურაცხყოფა მიაყენა ჟურნალისტს, შემდეგ კი გინებაზე გადავიდა. მან ზუსტად იცოდა, რომ ესაუბრებოდა ჟურნალისტს. საჭიროდ ჩავთვალეთ გამოგვექვეყნებინა ჩანაწერის ფრაგმენტი, რადგან ვთვლით, რომ საზოგადოებამ უნდა იცოდეს ამ ფაქტის შესახებ“, - აცხადებს „ბათუმელების“ მმართველი რედაქტორი ნანა კვაჭაძე.

ამასთან, ხელვაჩაურის მერმა დღეს სოციალურ ქსელში განცხადება გაავრცელა.

„გულწრფელად ვნანობ ჩემს გადაჭარბებულ ემოციებს და მედიის წარმომადგენლის, ,,ბათუმელების” ჟურნალისტის მიმართ გამოთქმულ არაკორექტულ გამონათქვამებს.

ჩემი გაღიზიანება გამოიწვია არასწორმა და ღირსების შემლახველმა ინფორმაციამ, რომელიც ვრცელდებოდა ჩემს შესახებ, თუმცა მიუხედავად ამისა, ვიზიარებ ჩემს პასუხისმგებლობას საზოგადოების წინაშე და კიდევ ერთხელ გამოვთქვამ სინანულს მომხდარის გამო“, - წერს ჯუმბერ ვარდმანიძე.

ზურაბ ბატიაშვილი - ყარაბაღის კონფლიქტით ყველაზე მოგებული მხარე რუსეთია
ქართული პრესის მიმოხილვა 21.10.2020
რამაზ საყვარელიძე - იმ სოციოლოგიური კვლევების ფონზე, რაც მრავლად ტარდება, გაუგებარია, საიდან გაუჩნდა ოპოზიციას არჩევნებში გამარჯვების და მთავრობის შექმნის იმედი
კახა ძაგანია - "პატრიოტთა ალიანსმა" ხელისუფლებისგან ხმის მიცემის საათების გაზრდა მოითხოვა"
მერაბ ჭიქაშვილი - "ხელისუფლება კორონას ფსიქოლოგიურ იარაღად იყენებს!"
ნანა დევდარიანი - "31 ოქტომბერს ხალხი "ნაციონალურ მოძრაობასაც" და "ქართულ ოცნებასაც" ყველაფრისთვის  დასჯის!"
ევექსი კლინიკები მომხმარებლების უსაფრთხოებისთვის COVID 19-ის PCR ტესტირების პროცესს ცვლის
ირმა ინაშვილი - "ქართული ოცნება" კოვიდ ეპიდემიის თემას ოსტატურად იყენებს და თავის ნაცვლად ექიმებს ალაპარაკებს!" (R)
სოსო შატბერაშვილი - "თუ გსურთ შერიგება ოსებთან და აფხაზებთან - მხარი "პატრიოტთა ალიანსს" დაუჭირეთ!" (R)
გურამ ნიკოლაიშვილი: ვეტერანთა უფლებებს მხოლოდ "პატრიოტთა ალიანსი"დაიცავს! (R)