ალექსანდრე მოწერელია - სოფლის მეურნეობის გაძლიერება, ფერმერობის და მეწარმეობის მხარდაჭერა „ქართული ოცნების“ ხელისუფლების გამოკვეთილი პრიორიტეტია

„ქართული ოცნება-დემოკრატიული საქართველოს“ აბაშის, მარტვილის, ჩხოროწყუსა და წალენჯიხის მაჟორიტარი დეპუტატობის კანდიდატი ალექსანდრე მოწერელია წალენჯიხის მუნიციპალიტეტში საშანაოსა და კვარაცხელიას ქუჩის მოსახლეობას შეხვდა. ამის შესახებ ინფორმაციას პარტიის პრესსამსახური ავრცელებს.

მოწერელიას თქმით, მოსახლეობის განწყობა დადებითია, რადგან ხედავენ, რომ ქვეყნის მასშტაბით დიდი ინფრასტრუქტურული პროექტები ხორციელდება.

"ქალაქ წალენჯიხაში საშანაოსა და კვარაცხელიას ქუჩების მოსახლეობას შევხვდი, ხალხის განწყობა დადებითია, რადგან ხედავენ, რომ მთელი ქვეყნის მასშტაბით აქტიურად მიმდინარეობს მსხვილი ინფრასტრუქტურის მშენებლობა, რომელსაც საქართველო ახალ სივრცეში შეჰყავს. ქალაქში გამართული შეხვედრების შემდეგ, ულამაზესი ჯგალისა და ნაკიფუს მოსახლეობას შევხვდი. შეხვედრაზე მოსახლეობის მხრიდან დიდი ინტერესი გამოიკვეთა ინფრასტრუქტურული და სოფლის მეურნეობის მხარდაჭერის პროექტებთან დაკავშირებით.

სოფლის მეურნეობის გაძლიერება, ფერმერობისა და მეწარმეობის მხარდაჭერა „ქართული ოცნების“ ხელისუფლების გამოკვეთილი პრიორიტეტია და ბოლო წლებში სულ უფრო მეტი რესურსი მიემართება სოფლის გასაძლიერებლად. ჩვენი გუნდის პრიორიტეტია ყველა სოფელი იყოს ინფრასტრუქტურულად გამართული და ადგილობრივი მოსახლეობის საჭიროებებს მორგებული. ეს ამ სოფლების მაგალითზეც კარგად ჩანს. ჯგალში ვაშენებთ საბაზისო სკოლას, რომელიც მომავალ წელს დასრულდება, სკოლა 60 მოსწავლეზეა გათვლილი. ნაკიფუში ცენტრალურ გზას სრული რეაბილიტაცია ჩავუტარეთ, ავაშენეთ ახალი საექიმო ამბულატორია, აგრეთვე ლეჟაში მიმდინარეობს 60 ბავშვზე გათვლილი საბაზისო სკოლის მშენებლობა, რომელიც მომავალ წელს დასრულდება“, - განაცხადა ალექსანდრე მოწერელიამ.

რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
ქართული პრესის მიმოხილვა 06.05.2021
ალექსანდრე თვალჭრელიძე - მეჩვენება, რომ სააკაშვილი „ნაცმოძრაობის“ ტანზე მიბმული ლოდია, რომელიც მას ფსკერისკენ მიაქანებს
სინერჯი ჯგუფი კერძო კაპიტალის ოპერაციებში მონაწილეობისთვის (LBO) იურიდიულ პირებს იწვევს