მცხეთის რაიონულ სასამართლოში ფეხბურთელ გიორგი შაქარაშვილის საქმეზე ბრალდებული არასრულწლოვნების სასამართლო პროცესი მიმდინარეობს. დღევანდელ სასამართლო სხდომაზე, რომელიც დაცვის მხარის მტკიცებულებების გამოკვლევით განახლდა, სხვა ეპიზოდზე ბრალდებული სრულწლოვნები დაიკითხებიან, მათ შორის ვახტანგ ჩიქოვანი.

როგორც ბრალდებული არარსულწლოვნის ზ.ხ-ს ადვოკატი მურმან ნიკოლეიშვილი აცხადებს, ადვოკატებს დასაკითხ მოწმეებთან კითხვები ექნებათ იმასთან დაკავშრებით, ჰქონდა თუ არა ჯგუფური ძალადობის ორგანიზებასა და თავისუფლების უკანონო აღკვეთას ადგილი.

ადვოკატი ასევე მიიჩნევს,რომ ბრალდებულების ჩვენებები დაცვის მხარის სასარგებლო იქნება.

ცნობისთვის, ფეხბურთელ გიორგი შაქარაშვილის საქმეზე ბრალდებულ არასრულწლოვნებს ძალადობას, ჯგუფური ძალადობის ორგანიზებასა და თავისუფლების უკანონო აღკვეთას ედავებიან.

იხილეთ ვიდეო: მცხეთის რაიონულ სასამართლოში გიორგი შაქარაშვილის საქმეზე ბრალდებული ექვსი არასრულწლოვნის სასამართლო პროცესი მიმდინარეობს