აჭარაში გასული 24 საათის განმავლობაში 248 კოვიდ დადებითი პაციენტი გამოჯანმრთელდა. აჭარის ჯანდაცვის სამინისტროს ინფორმაციით, დადასტურდა კორონავირუსით ინფიცირების 207 ახალი შემთხვევა. ინფიცირებულთა შორის მედიკოსები და ფეხმძიმე ქალებიც არიან.
"აჭარში Covid კლინიკებში მკურნალობას გადის 542 პაციენტი, აქედან 19 არასრულწლოვანი და 23 ორსულია. თავისუფალი საწოლები არის 61. Covid სასტუმროებში - 794 ადამიანი მკურნალობს, აქედან, 71 არასრულწლოვანია. აჭარაში ბინაზე 900-მდე პირი იმყოფება, რომლებიც ექიმების მეთვალყურეობის ქვეშ არიან",- აცხადებენ უწყებაში.