კორონავირუსის 569 ახალი შემთხვევიდან 25 შიდა ქართლში დაფიქსირდა

საქართველოში კორონავირუსის 569 ახალი შემთხვევიდან 25 შიდა ქართლში დაფიქსირდა. მხარის გუბერნატორის მოვალეობის შემსრულებლის, სიმონ გულედანის ინფორმაციით, აღნიშნული შემთხვევები გორის, კასპისა და ხაშურის მუნიციპალიტეტებში დადასტურდა.

,,ბოლო 24 საათის განმავლობაში, შიდა ქართლში გამოვლინდა კორონავირუსით ინფიცირების 25 ახალი შემთხვევა. აქედან, 13 დადასტურდა გორიდან გაგზავნილი 83 ნიმუშიდან, დანარჩენი კი - სხვა კლინიკებში აღებული ნიმუშების ტესტირებისას, თუმცა, ყველა მათგანის იურიდიული მისამართი შიდა ქართლია.

აღნიშნული ახალი შემთხვევებიდან, ნაწილი გორში, ნაწილი კი კასპისა და ხაშურის მუნიციპალიტეტების ტერიტორიაზე დაფიქსირდა. რაც შეეხება ინფიცირების წყაროს - არის თბილისის კლასტერი, არის სააფთიაქო ქსელების - ,,ჯი პი სის“ და ,,ფარმადეპოს“ გორის ფილიალების კლასტერი, ასევე, ინფიცირების რამდენიმე შემთხვევა უკავშირდება სოფელ ფლავისმანს და რამდენიმე შემთხვევაა თბილისის სამედიცინო დაწესებულების კლასტერთანაა კავშირში.

ყველა ინფიცირებულის ჯანმრთელობის მდგომარეობა სტაბილურია. ინფიცირებულთაგან 3 არასრულწლოვანია. სკოლის მოსწავლეების დაინფიცირების გამო, ამ დროისთვის, დისტანციურ სწავლებაზე გადავიდა გორის მუნიციპალიტეტში სოფელ ფლავის საჯარო სკოლა, ასევე, დისტანციურ სწავლებაზე გადავიდა კასპის მუნიციპალიტეტის სოფელ მეტეხის საჯარო სკოლა. რაც შეეხება კიდევ ერთ სკოლას - სოფელ სამთავისის სკოლის მხოლოდ მე-11 კლასი გადავიდა დისტანციურ სწავლებაზე.

ინფიცირებულთა ნაწილი მკურნალობს ბინაზე, ნაწილი კი გადაყვანილია სტაციონარში. ინფიცირებულებთან კონტაქტში მყოფ პირებს მიეცათ თვითიზოლაციაში ყოფნის რეკომენდაცია. მთლიანობაში, რეგიონის მასშტაბით, თვითიზოლაციაშია 544 პირი“, - განაცხადა შიდა ქართლის გუბერნატორის მოვალეობის შემსრულებელმა სიმონ გულედანმა.

ხათუნა ლაგაზიძე - თუ ოპოზიციას რაციონალიზმი კი არა, თვითგადარჩენის ინსტინქტი მაინც შერჩენია, მოუწევთ გაერთიანება იმ საფრთხის წინააღმდეგ, რასაც ასპარეზზე ახალი პოლიტიკური ჯგუფების გამოჩენა ჰქვია
ქართული პრესის მიმოხილვა 07.05.2021
რამაზ საყვარელიძე - ოპოზიციიდან ბევრი შეეცდება სააკაშვილისგან გამიჯვნას და ლიდერის როლის მორგებას, მეეჭვება ეს წარმატებული მცდელობა იყოს, ამ ოპოზიციისთვის რთული იქნება სააკაშვილის დამარცხება
„გაგუას კლინიკაში“ covid 19–ის საწინააღმდეგო ვაქცინაციის კაბინეტი გაიხსნა
ბაქოში ევროპის ჩემპიონატის თასი ჩაიტანეს