გურჯაანის მუნიციპალიტეტში თანასოფლელმა 60 წლამდე კაცს ცივი იარაღით ჭრილობა მიაყენა.
შემთხვევა გვიან ღამით, სოფელ კარდენახში მოხდა.
ადგილობრივების ინფორმაციით, მხარებს შორის მომხდარი ინციდენტი სავარაუდოდ, მგზავრის გადაყვანას უკავშირდება. მათივე თქმით, მომხდარს წინ ურთიერთშელაპარაკება უძღოდა, რის შემდეგაც შუახნის კაცმა თანასოფლელს მუცლის არეში მიაყენა დაზიანება.
დაჭრილს გურჯაანის „ჯეოჰოსპიტალსის“ კლინიკაში უკვე ჩაუტარდა ქირურგიული ოპერაცია. მისი ჯანმრთელობის მდგომარეობა სტაბილურია.
გამოძიება „სისხლის სამართლის კოდექსის“ 117-ე მუხლით მიმდინარეობს. პოლიციამ სავარაუდო დამნაშავე მომხდარიდან მალევე დააკავა.