ფოთის კოვიდკლინიკაში 35 პაციენტია მოთავსებული, მათ შორის ყველაზე პატარა 4 თვისაა. ჰოსპიტალის დირექტორის, თეა მიგინეიშვილის განცხადებით, აჭარის რეგიონიდან 5 პაციენტის შეყვანას ელოდებიან.

"გუშინ გაეწერა ერთი გამოჯანმრთელებული ფოთელი პაციენტი ბინაზე. ამ დროისთვის, 35 პაციენტი გვყავს. კიდევ 5 პაციენტის შემოყვანას ველოდებით აჭარიდან. ყველაზე მცერეწლოვანი არის გურიიდან, 4 თვის ბავშვი, რომლის მდგომარეობა სტაბილურია. ყველაზე ასაკოვანი 83 წლისაა ფოთიდანაა, რომლის მდგომარეობაც საშუალო სიმძიმის, საყურადღებოა მაგრამ, სტაბილურია. ჯერჯერობით ყველაფერი ნორმალურად მიდის, ექვემდებარება მკურნალობას,“ - განაცხადა თეა მიგინეიშვილმა.