,,ქართული ოცნება დემოკრატიული საქართველოს" ონის, ამბროლაურის, ცაგერის, ლენტეხისა და მესტიის მაჟორიტარი დეპუტატობის კანდიდატი, გოჩა ენუქიძე წინასაარჩევნო კამპანიის ფარგლებში შეხვედრებს მესტიის მუნიციპალიტეტში განაგრძობს. ამის შესახებ „ინტერპრესნიუსს“ ,,ქართული ოცნება დემოკრატიული საქართველოს" მაჟორიტარი დეპუტატობის კანდიდატის პრესსამსახურიდან აცნობეს.

გოჩა ენუქიძე ბეჩოს თემის მოსახლეობას შეხვდა, სადაც რეაბილიტირდა და ასფალტის საფარი დაიგო ბეჩო-შიხრის 7 კილომეტრიან საავტომობილო გზაზე , აშენდა საავტომობილო ხიდი ბეჩოს ტერიტორიული ერთეულის სოფელ მაზერში, მიმდინარეობს სოფელ ტვებიშთან დამაკავშირებელი ხიდის მშენებლობა, აშენდა ნაპირსამაგრი გაბიონები მდინარე დოლრაზე, რეაბილიტირდა მაზერის საჯარო სკოლა, მოეწყო სველი წერტილები და ადაპტირებული გარემო შშმ პირებისთვის. ამასთან, დაგეგმილია მაზერის საბავშვო ბაღის მშენებლობა. აშენდა ბაგვდანარის სამეურნეო დანიშნულების ხიდი, დაგეგმილია ბეჩოს საჯარო სკოლის მშენებლობა და მიმდინარეობს სოფელ მაზერში წყალგაყვანილობის სისტემის მშენებლობა.