ეკატერინე ტიკარაძის განცხადებით, აჭარის რესპუბლიკურ საავადმყოფოში კორონავირუსით ინფიცირებულებისთვის დამატებით 50 საწოლი გამოიყოფა, რეგიონის სხვა კლინიკებში - 30-მდე

ჯანდაცვის მინისტრის, ეკატერინე ტიკარაძის განცხადებით, ბათუმის რესპუბლიკურ საავადმყოფოში კორონავირუსით ინფიცირებული პაციენტებისთვის დამატებით 50 საწოლი გამოიყოფა, ასევე სხვა კლინიკებში 30-მდე საწოლი, რითაც მინისტრის თქმით, აჭარაში საწოლფონდის დეფიციტის მოლოდინი დაიხურება.

„აჭარაშია ჩემი პირველი მოადგილე. მიმდინარეობს საწოლ ფონდის მობილიზება. ბატონი თენგიზ ცერცვაძის გუნდიდან ხვალ 4 ადამიანი იქნება დამატებით მივლენილი აჭარაში. რაც შეეხება საწოლფონდს, აჭარის რესპუბლიკურ საავადმყოფოს კიდევ 50 საწოლი დაემატება. აქედან 10 რეანიმაციული და 40 თერაპიული. დანარჩენი საავადმყოფოები, რომლებიც აჭარის რეგიონში თანამშრომლობენ, მათი დახმარებით კიდევ გვექნება 30-მდე დამატებითი საწოლი, რითაც ვთვლით, რომ აჭარაში საწოლფონდის დეფიციტის მოლოდინი ამით დაიხურება", - აღნიშნა ეკატერინე ტიკარაძემ.

იხილეთ ვიდეო: ეკატერინე ტიკარაძის განცხადებით, ამ ეტაპზე მობილიზებულია 3 500 საწოლი და საჭიროების შემთხვევაში 2 ათასამდე კიდევ დაემატება

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს